Namhlanje iholo iNcumisa Kondlo beligcwele liphuphuma njengoko bekunikezelwa ngembali yoMqwashu oneminyaka elikhulu elinamashumi alithoba (190). Lo msitho ubuzinyaswe ngu Sodolophu wosuku uCeba Mfundo Gqo,ibhunga lamaMfengu, iBhunga leTyalike, iNdlu yeeNkosi, izikolo zemfundo ephakamileyo ezingqonge iNgqushwa esingabalula iSotini, St Charles Sojola, Umzuxolile, Ncedolwethu, Amazizi, Sobantu, Mfundweni, Kanana, Kaulela kunye nabahlali.
Lomsitho ubugxile banzi ngokubaluleka kwembali yethu wangena nzulu kwinkcubeko nezopolitiko ezenzeka ngonyaka ka 1835. Phakathi kwesiphithiphithi semfuduko, iimfazwe kunye nokuphazamiseka kobukoloniyali AmaMfengu athatha isifungo sokuthembeka (Loyalty), ukuphila (Survival) kunye nomanyano (Solidarity). Imfundiso ngalembali yenziwe nguGqirha Nkosikhulule Xhawulengweni Nyembezi. Ukuwusonga umsitho kuye kwahlala iiseshoni zeKhomishini.
#Masidibane Emqwashini Esikhumbuzweni nge 14 May 2025.